Donald Trump, president i Shteteve të Bashkuara, paralajmëroi Iranin më 1 mars 2026 të mos ndërmarrë sulme hakmarrëse ndaj SHBA ose Izraelit. Në një postim në platformën Truth Social, ai shkroi: “Irani deklaroi se do të godasë shumë fort sot, më fort se kurrë më parë. MË MIRË TË MOS E BËJNË KËTË, SEPSE NËSE E BËJNË, NE DO T’I GODASIM ME NJË FORCË QË NUK ËSHTË PARË KURRË MË PARË! Faleminderit për vëmendjen tuaj ndaj kësaj çështjeje!”.
Deklarata vjen pas paralajmërimit të Gardës Revolucionare Islamike të Iranit për një “operacion më shkatërrues ofensiv në historinë e forcave të armatosura të Republikës Islamike”, drejt bazave amerikane dhe territorialeve të pushtuara. Kjo si hakmarrje për vrasjen e liderit suprem Ali Khamenei, e konfirmuar nga mediat iranianë dhe Trump, i cili e quajti atë “një nga njerëzit më të këqij në histori”.
Sulmet ajrore të përbashkëta SHBA–Izrael goditën mbi 20 provinca iraniane, duke vrarë të paktën 200 persona. Qëllimi ishte zhdukja e programit bërthamor iranian. Irani kundërpërgjigjur duke sulmuar Izraelin dhe bazat amerikane në rajon.
Trump njoftoi mbrëmjen e djeshme se sulmet ishin të suksesshme ndaj objektivave të përcaktuara dhe lajmet për eliminimin e Khamenei-t të sakta. Fuqitë evropiane dënuan përshkallëzimin dhe kërkuan zgjidhje diplomatike.
Përditësime
@WhiteHouse publikoi një tweet zyrtar me deklaratën e Donald Trump-it në anglisht, si dhe një imazh.
- Trump u bëri thirrje iranianëve të "marrin mbrapsht vendin e tyre".
- IRGC deklaroi se operacioni do të fillojë "brenda pak çastesh".
Donald Trump publikoi një video të re në Truth Social, ku foli për një operacion masiv që siguron gjeneratat e ardhshme. Sipas videos, u goditën qindra objektiva dhe u shkatërruan 9 anije iraniane. Trump e cilësoi operacionin si hakmarrje për vdekjet e ushtarëve amerikanë dhe thirri anëtarët e IRGC-së, ushtrinë dhe policinë iraniane të dorëzojnë armët për të marrë amnisti të plotë.