Presidenti i SHBA-së, Donald Trump, deklaroi të mërkurën në Shtëpinë e Bardhë se do të sigurojë siguri të madhe për anijet cisternë të naftës që kalojnë nëpër Ngushticën e Hormuzit. "Mendoj se do të shihni siguri të shkëlqyer dhe do të ndodhë shumë, shumë shpejt", tha ai gazetarëve, duke inkurajuar anijet të vazhdojnë kalimin dhe duke theksuar se rruga detare mbetet e sigurt.
Trump mohoi se Irani ka arritur të vendosë mina detare në ngushticë. "Ne shkatërruam pothuajse të gjitha anijet e tyre të minimit brenda një nate", deklaroi ai, duke lënë të kuptohet se janë goditur deri në 60 mjete lundruese iraniane. "Pothuajse e gjithë marina e tyre është shkatërruar", shtoi Trump. Kjo vjen pas sulmeve ndaj tre anijesh cisternë më herët gjatë ditës, ku Irani mori përgjegjësinë për të paktën dy prej tyre.
Në kontekstin e luftës midis SHBA-së e Izraelit me Iranin, Ngushtica e Hormuzit ka përjetuar tensione të larta. Teherani ka paralajmëruar shtrëngim të kontrollit mbi kalimin detar, çka ka ndikuar në çmimet e karburanteve globale. Trump paralajmëroi se SHBA mund të neutralizojë objektiva të tjera të infrastrukturës iraniane brenda një ore dhe se do të vazhdojë me sulme të ngjashme.
Ai vlerësoi operacionin e përbashkt SHBA-Izrael kundër Iranit, duke thënë se goditjet janë më të forta se ndaj pothuajse çdo vendi tjetër në histori dhe se lufta nuk ka mbaruar ende. Trump përmendi humbjet e Iranit në marinë, aviacion, sisteme kundërajrore dhe strukturën e drejtimit ushtarak.
Përditësime
Donald Trump postoi në Truth Social një ultimatum ndaj Iranit, duke kërkuar heqjen e menjëhershme të minave nga Ngushtica e Hormuzit. "Nëse Irani ka vendosur mina... hiqini ato menjëherë. Përndryshe, pasojat ushtarake do të jenë të pashembullta," shkroi ai.