Presidenti i ShBA-së, Donald Trump, mbajti fjalën në prezantimin e nismës Bordin e Paqes me liderë globalë në Davos, më 22 janar 2026.
Liderët nënshkruan dokumentin e themelimit të bordit. Midhë të pranishmëve ishte edhe presidentja e Kosovës, Vjosa Osmani.
Në fjalimin e tij, Trump u shpreh se të pranishëm janë të gjithë liderët që i pëlqejnë. Me humor, ai shtoi se zakonisht ka dy ose tre liderë që nuk i preferon, por jo sot. Ai përmendi se kanë një grup të madh liderësh të rinj që e udhëheqin nismën dhe se çdo vend dëshiron të jetë pjesë. Letrat u dërguan disa ditë më parë për të ftuar vendet në Davos.
Trump falënderoi Jared dhe Steve për punën e tyre. Ai theksoi se ka qenë i qartë se Hamasi duhet të dorëzojë pengun e fundit të vdekur dhe premtoi një plan të madh për rindërtimin. Ai parashikoi sukses dhe bashkëpunim me OKB-në, duke thënë se kjo organizatë ka potencial të jashtëzakonshëm, por nuk e përdor siç duhet.
Sipas tij, në tetë luftëra që i dha fund, nuk foli me OKB-në, pasi ajo nuk arriti rezultate. Kombinimi i Bordit të Paqes me OKB-në do të jetë i jashtëzakonshëm për botën dhe do të japë fund urrejtjes së dekadave dhe derdhjes së gjakut në rajon dhe më gjerë.
Trump premtoi paqe në botë si trashëgimi për të gjithë dhe u drejtua liderëve të pranishëm si njerëzve më të fuqishëm, duke i nxitur të përdorin talentin për paqe, pasi e kundërta nuk ka shans.