Donald Trump, president i SHBA-së, deklaroi se dërgimi i trupave tokësore amerikane në Iran aktualisht do të ishte humbje kohe. Në një intervistë telefonike me NBC News të enjten, ai tha se kjo nuk është diçka që po e konsideron.
“Është humbje kohe. Ata kanë humbur gjithçka. Kanë humbur marinën e tyre. Kanë humbur gjithçka që mund të humbnin”, u shpreh Trump.
Ai e hodhi poshtë si koment të kotë deklaratën e ministrtit të Jashtëm iranian Abbas Araghchi për NBC News, ku ky i fundit tha se Irani është i gatshëm për pushtim tokësor nga SHBA ose Izraeli dhe se kjo do të sillte katastrofë për pushtuesit. Araghchi theksoi se Teherani pret çdo eventualitet, përfshirë zbarkimin e trupave.
Ndërsa konflikti midis SHBA-Izrael dhe Iran hyn në ditën e shtatë, Trump përmendi se ushtria amerikane ka municion masiv, më shumë se kurrë, dhe burime të mjaftueshme në vende të tjera për të vazhduar sulmet.
Trump vazhdoi me dëshirën për të pastruar strukturën e udhëheqjes aktuale në Iran, pas vrasjes së udhëheqësit të lartë Ali Khamenei nga sulmet SHBA-Izrael. “Ne duam të hyjmë brenda dhe të pastrojmë gjithçka. Ne duam që ata të kenë një udhëheqës të mirë. Kemi disa njerëz për të cilët mendoj se do të bënin një punë të mirë”, deklaroi ai, pa përmendur emra.