Drejtoresha e Inteligjencës Kombëtare të Shteteve të Bashkuara, Tulsi Gabbard, njoftoi zyrtarisht tërheqjen nga detyra për arsye familjare. Në letrën e dorëheqjes drejtuar Presidentit Donald Trump, Gabbard bëri të ditur se bashkëshorti i saj, Abraham, po përballet me një formë shumë të rrallë të kancerit të kockave, çka e detyron atë të largohet nga shërbimi publik për t’i qëndruar pranë.
Presidenti Donald Trump ka shprehur keqardhje për largimin e saj, duke vlerësuar kontributin e saj gjatë detyrës. Pas largimit të saj, në krye të Zyra e Drejtorit të Inteligjencës Kombëtare (ODNI) do të vijojë detyrën Aaron Lukas, i cili do të shërbejë si drejtor në detyrë.
Gabbard, ish-kongresiste demokrate që iu bashkua Partisë Republikane, u emërua në këtë post në fillim të vitit 2025, pas fitores së mandatit të dytë të Donald Trump. Gjatë periudhës së saj në krye të inteligjencës, e cila mbikëqyr 18 agjenci të sigurisë kombëtare, ajo është përballur me sfida të ndryshme, përfshirë mospërputhje qëndrimesh me administratën mbi çështjet e sigurisë, siç ishte qasja ndaj programit bërthamor të Iranit. Megjithëse javët e fundit në qarqet politike kishin qarkulluar zëra për një largim të mundshëm, të cilat ishin mohuar nga administrata, dorëheqja është motivuar zyrtarisht nga përparësitë familjare.