Shqipëria e Jugut po përjeton zhvillim ekonomik të nxitur nga turizmi kulturor, sipas Travel and Tour World (TTW). Qytetet Berati, Gjirokastra, Saranda dhe Përmeti, të njohura për vendet e Trashëgimisë Botërore të UNESCO-s, po tërheqin investime strategjike për ruajtjen dhe promovimin e trashëgimisë kulturore.
Këto iniciativa mbështeten nga Banka Botërore përmes Projektit të Integruar për Zhvillimin Urban dhe Turistik (PIUTD), një bashkëpunim me qeverinë shqiptare. Projekti ka udhëhequr restaurimin e kështjellave të lashta, arkitekturës osmane dhe bukurive natyrore, si dhe përmirësimin e infrastrukturës, duke përfshirë hapësirat publike, rrugët dhe ndërtesat historike.
Rezultatet përfshijnë tërheqjen e investimeve private dhe krijimin e mijëra vendeve pune. Kjo ka ndihmuar në riformësimin e ekonomisë lokale, duke ofruar mundësi për banorët vendas dhe ata që kthehen nga emigracioni. Qytetet janë bërë më aksesueshme për turistët, duke u shndërruar në qendra të kulturës dhe tregtisë.
Numri i vizitorëve në Shqipëri është rritur me 82% në 2024 krahasuar me 2019.