Turqia planifikon t’i paraqesë parlamentit një propozim që do të lejonte dërgimin e personelit ushtarak në Arabinë Saudite, në kuadër të një pakti të ndërsjellë mbrojtës me Arabinë Saudite dhe Pakistanin. Këtë e bëri të ditur të mërkurën për Reuters një ligjvënës i Partisë për Drejtësi dhe Zhvillim (AKP), partisë në pushtet.
Sipas ligjvënësit, propozimi do t’i paraqitet parlamentit pasi të miratohet projektligji për ratifikimin e marrëveshjes. Turqia ia dorëzoi parlamentit të martën për ratifikim Marrëveshjen e Përbashkët të Mbrojtjes së Mekës, të nënshkruar në gusht nga Turqia, Arabia Saudite dhe Pakistani.
Marrëveshja parashikon bashkëpunim të ndërsjellë në mbrojtje. Ky zhvillim e afron ushtrinë turke, të dytën më të madhe në NATO, me një angazhim formal për mbrojtje të ndërsjellë me Riadin. Arabia Saudite po përballet me sulme nga rebelët Huthi.