Kryeministri i Polonisë, Donald Tusk, deklaroi se liderët evropianë ndjejnë një lehtësim të madh, sepse për herë të parë në vite nuk ka rusë në dhomë, gjatë samitit informal të Bashkimit Evropian në Qipro më 24 prill 2026.
Sipas burimeve, Tusk bëri këtë koment duke parë në sfond kryeministrin sllovak Robert Fico, i cili mbetet kritik ndaj politikës së BE-së për Ukrainën dhe shihet si figurë e izoluar në Këshillin Evropian pas dobësimit të ndikimit të Viktor Orbán në Hungari. Më pas, Tusk sqaroi se bëhej fjalë për një shaka dhe nuk përmendi drejtpërdrejt emrat e liderëve të tjerë.
Në rrjetin social X, Tusk shkroi: "European Council meeting. For the first time in years there are no Russians in the room. Huge relief." Deklarata u interpretua si thumbim ndaj qëndrimeve të konsideruara pro-ruse të Orbán dhe Fico.
Diplomatë dhe zyrtarë evropianë flasin për një atmosferë krejtësisht të re në takimet e BE-së, ku çështje të bllokuara si sanksionet ndaj Rusisë, zgjerimi i Bashkimit Evropian dhe ndihma për Ukrainën po gjejnë zgjidhje. Tusk përshëndeti gjithashtu fitoren e Peter Majar dhe zhvillime demokratike në qytete si Varshava, Bukureshti, Kishinev dhe Budapesti, duke theksuar se ka të ardhme për demokracinë dhe sundimin e ligjit në Evropë.