UEFA ka vendosur sanksione disiplinore ndaj disa klubeve pas ndeshjeve të javës së kaluar në kompeticionet evropiane.
Mes tyre është Real Madrid, i gjobitur me 20 mijë euro për vonesë në fillimin e ndeshjes së parë ndaj Bayern Munich, të zhvilluar në Santiago Bernabéu.
Klubi madrilen u eliminua nga Liga e Kampionëve pas humbjes në ndeshjen e kthimit në Allianz Arena të Mynihut të mërkurën e kaluar. Sanksioni lidhet vetëm me përballjen e parë në Madrid.
Për të njëjtën shkelje, Arsenal dhe trajneri i tij Mikel Arteta u ndëshkuan vetëm me paralajmërim.
Athletic Club u gjobit me 16 875 euro për hedhje objektesh në fushë gjatë ndeshjes në San Mamés, e cila përfundoi me humbje 2-3 për skuadrën baske.