Ursula von der Leyen, presidentja e Komisionit Evropian, pritet të përballet me një mocion mosbesimi në Parlamentin Evropian, raporton Agjencia Gjermane e Lajmeve (dpa).
Sipas burimeve të mirëinformuara, presidentja e Parlamentit, Roberta Metsola, ka njoftuar drejtuesit e grupeve politike për nismën. Debati dhe votimi parashikohen javën e ardhshme në seancën plenare në Strasburg.
Kjo është hera e katërt brenda gjashtë muajve që paraqitet një mocion i tillë ndaj Ursula von der Leyen dhe Komisionit që ajo drejton. Nisma është depozituar nga grupi Patriotët për Evropën, i cili ka kritikuar ashpër presidenten kryesisht për marrëveshjen tregtare të Bashkimit Evropian me vendet e Mercosur-it, përfshirë Brazilin, Argjentinën, Urugwain dhe Paragwain.
Grupi Patriotët për Evropën përfshin eurodeputetë nga Tubimi Kombëtar i Marine Le Pen në Francë, si dhe nga partia e kryeministrit hungarez Viktor Orbán.
Sipas rregullores së Parlamentit Evropian, një mocion mosbesimi diskutohet dhe hidhet në votim vetëm nëse mbështetet nga të paktën 10% e eurodeputetëve.