Ushtria amerikane njoftoi mbrëmjen e 23 shkurtit 2026 se ka goditur një mjet lundrues që transportonte lëndë narkotike në rajonin e Karaibeve, duke vrarë tre persona.
Ngjarja është një nga incidentet e përsëritura në muajt e fundit në këtë zonë. Në një postim në platformën X, ushtria deklaroi se anija ishte e përfshirë në “operacione të trafikut të drogës”.
Administrata e presidentit amerikan Donald Trump ka theksuar vazhdimisht sukseset në operacionet kundër anijeve të dyshuara për trafik narkotikësh në Karaibe.
Reuters sqaroi se nuk ka qenë në gjendje të verifikojë në mënyrë të pavarur pretendimet e ushtrisë lidhur me aktivitetin e anijes.