Policia e Kosovës ka njoftuar se një grua rreth 80-vjeçare ka vdekur në vendngjarje si pasojë e zjarrit që përfshiu një shtëpi banimi në fshatin Gracë të Vushtrrisë më 15 janar 2026, rreth orës 22:20.
Ngjarja ndodhi të enjten në mbrëmje. Njësitë policore dhe zjarrfikëse intervenuan menjëherë në vendngjarje. Ekipet emergjente mjekësore konstatuan vdekjen e viktimës në vend.
Hetuesit policorë, në koordinim me Prokurorin kompetent, po kryejnë veprimet hetimore për të sqaruar rrethanat. Rasti trajtohet si vdekje e dyshimtë. Me vendim të Prokurorit të Shtetit, trupi i pajetë i viktimës u dërgua në Institutin e Mjekësisë Ligjore për obduksion.