Edmond Gjyzeli dhe Izmir Kusi janë dy emra që po verifikohen nga grupi hetimor, pasi kanë zhvilluar disa takime me Altin Ndocin në paraburgimin e Durrësit gjatë muajve të fundit.
Burime nga grupi hetimor bëjnë të ditur se këta janë të skeduar nga drejtësia. Ka dyshime se mund të jenë të përfshirë ose të kenë pasur dijeni për planin e arratisjes nga paraburgimi.
Hetimet ndodhen ende në fazën paraprake. Grupi hetimor po punon për të gjetur prova mbi përfshirjen e tyre.
Nuk dihet ende nëse hetuesit i kanë lokalizuar Gjyzelin dhe Kusin për t'i marrë në pyetje.