Më shumë se 20 vjet pas pushtimit të Irakut, veteranët e Forcave Ajrore Mbretërore (RAF), të vendosur në impiantin e trajtimit të ujit Qarmat Ali, raportojnë se u ekspozuan ndaj një substance toksike. Kjo sipas një investigimi të transmetuar nga Sky News.
Impianti ishte i mbuluar me dikromat i natriumit, një pluhur portokalli i ndritshëm, klasifikuar si kancerogjen i kategorisë A. Ushtarët vazhduen të ruanin objektin 24 orë në ditë pa mbrojtje të duhur. Një dokument i brendshëm i shërbimit mjekësor të RAF-së, datë nëntor 2003, pranon rrezikun dhe kërkon identifikimin e ushtarëve të ekspozuar për teste biologjike.
15 veteranë që folën me Sky News thonë se këto masa nuk u zbatuan kurrë. Tabela paralajmëruese për mbrojtje të plotë me uniformë dhe maskë u vendos disa muaj pas mbërritjes së tyre.
Sot, 4 prej tyre janë diagnostikuar me kancer, njëri me tumor në tru. Shumica vuajnë nga tumore, gjakderdhje të vazhdueshme nga hunda dhe probleme të rënda të lëkurës.
Ndryshe nga SHBA-ja, ku një hetim kombëtar pranoi ekspozimin pa dashje ndaj kimikateve toksike dhe hapi rrugën për mbështetje dhe kompensim, në Mbretërinë e Bashkuar nuk ka pasur hetim zyrtar apo kërkim faljeje.
Ministria e Mbrojtjes këmbëngul se ka ofruar kontrolle mjekësore. Veteranët mohojnë se kjo ka ndodhur. Përgjigjet politike vazhdojnë të vonojnë.