Gucati, kryetari i Organizatës së Veteranëve të Luftës së UÇK-së, foli në një intervistë për Klan Kosova për mundësinë e organizimit të një proteste kundër Gjykatës Speciale më 17 shkurt në qendër të Prishtinës.
Ai theksoi se protesta synon të shprehë pakënaqësinë ndaj gjykatës, e cila, sipas tij, “s’po di as vet se çfarë po bën” dhe po e stërgjatë procesin. “Ne jemi në diskutim e sipër për një protestë me 17 shkurt në qendër të Prishtinës. Ne ende s’kemi marrë vendim, por jemi në diskutim e sipër. Sipas gjasave, protesta do të mbahet me 17, pikërisht një ditë para fjalës përfundimtare”, u shpreh Gucati.
Deklarata u bë më 18 janar 2026, në emisionin “Info Magazinë” të Klan Kosovës.