Në datën 13 janar 2026, media shqiptare kanë shpërndarë video që tregojnë momentin kur i dënuari Altin Ndoci mbërrin në Spitalin e Durrësit për kontroll mjekësor. Në regjistrimin e parë, të siguruar nga gazetarja Xhensila Kodra për BalkanWeb, Ndoci del nga një ambulancë në oborrin e spitalit i lirë dhe pa pranga. Më pas, ai shoqërohet drejt godinës së spitalit nga efektivë policie.
Një video tjetër, publikuar nga Top Channel, fikson Ndocin duke hyrë në ambientet e spitalit pa pranga dhe i shoqëruar nga vetëm një efektiv. Efektivi tjetër merret me një të dënuar tjetër që kryen njëkohësisht kontroll mjekësor në katin e tretë të repartit Infektiv, në një ambient të veçantë për të tillë persona. Shoqërimi i tij bëhet në kundërshti me rregulloren, pasi duhej të ishte i prangosur për shkak të rrezikshmërisë.
Sipas burimeve nga institucioni burgjtar, që nga viti 2022, Ndoci ka kryer gjashtë vizita mjekësore në spital, kryesisht për probleme me gurët në veshka. Pas kontrollit, ai largohet me një automjet tip Audi, i cili e pret në dalje të parkimit të spitalit, në rrugë.
Përditësime
Altin Ndoci u arratis duke vrapuar midis automjeteve në Spitalin e Durrësit, u zhduk pas një ndërtese dhe dyshohet se kaloi në një Audi.
Dyshohet i fshehur në Tiranë.
Audi-ja u pa për herë të fundit pranë Vores në autostradën Tiranë-Durrës; gjurmët humbën në hyrje të Tiranës.
Policia u njoftua me 10 minuta vonesë pas arratisjes në orën 13:02, në katin e 4-të të repartit infektiv. Dyshohet e planifikuar.