Faza e 1/16-ave të Kupës së Botës 2026 sjell një përballje të veçantë mes dy futbollistëve të Arsenalit, të cilët pak javë më parë festuan së bashku titullin e Ligës Premier. Sulmuesi suedez Viktor Gyokeres dhe mbrojtësi francez William Saliba do të ndodhen në anët e kundërta të fushës në këtë sfidë ndërkombëtare.
Viktor Gyokeres, i cili ka qenë një prej lojtarëve kyç të Suedisë gjatë fazës së grupeve, ka deklaruar se e pret me padurim këtë përballje, duke e vlerësuar Saliban si një nga mbrojtësit më të fortë në botë. “Po pres me padurim ta shoh dhe të luaj kundër tij. Do të jetë argëtuese”, u shpreh ai.
Pavarësisht se Franca vlerësohet si një prej pretendenteve kryesore për fitoren e trofeut, sulmuesi suedez shprehu besim për mundësinë e një surprize. “Ne kemi besimin tonë. Kemi parë në shumë ndeshje të këtij turneu se skuadrat që nuk konsideroheshin favorite kanë arritur të fitojnë”, deklaroi Gyokeres.
Sipas Gyokeres, Suedia duhet të tregojë një disiplinë të lartë taktike për të eliminuar Francën. “Duhet të jemi në nivelin tonë maksimal. Organizimi ynë defensiv duhet të jetë pothuajse perfekt dhe më pas duhet të shfrytëzojmë rastet që do të na krijohen”, përfundoi sulmuesi.