Vinicius Junior, lojtari brazilian i Real Madrid-it, është shprehur i zhgënjyer nga mënyra se si trajneri i Benficës, José Mourinho, e menaxhoi incidentin e akuzave për ofendime raciste në stadiumin e Lisbonës.
Incidenti ndodhi gjatë ndeshjes midis Benficës dhe Real Madrid-it. Sipas raportimeve, lojtari i Benficës, Gianluca Prestianni, akuzohet për ofendime raciste ndaj Vinicius Junior-it. Trajneri portugez nuk pranoi publikisht fajin e lojtarit të tij dhe kritikoi festimin e brazilianit pas golit.
Burime pranë Vinicius-it bëjnë të ditur se ai e konsideron qëndrimin e Mourinho-s të papërshtatshëm përballë një çështjeje kaq serioze. Kjo ka shkaktuar reagime të forta në arenën ndërkombëtare dhe polemika të shumta në botën e futbollit.