Një vjedhje e rëndë ka ndodhur mëngjesin e sotëm rreth orës 07:30 në filialin e Valës në rrugën UÇK në Prishtinë.
Lajmin e konfirmuan burime të Policisë së Kosovës për rajonin e Prishtinës. Zëdhënësi Enis Pllana deklaroi se Sektori i Hetimeve të Kryeqytetit, në koordinim me Prokurorinë, po punon për zbardhjen e rastit dhe identifikimin e personave të dyshuar.
"Sot rreth orës 07:30 kemi pranuar informatën për një rast vjedhje e rëndë, që ka ndodhur në një lokal në rrugën UÇK në Prishtinë. Sektori i Hetimeve të Kryeqytetit në koordinim të plotë me Prokurorinë janë duke punuar për zbardhjen e rastit dhe identifikimin e personave të dyshuar", tha Pllana.
Deri tani nuk dihet saktësisht çfarë kanë marrë autorët e dyshuar nga lokali. Hetimet vazhdojnë.