Policia e Kosovës ka njoftuar për një vjedhje të rëndë në objektin e Trepçës në Mitrovicë.
Ngjarja raportohet të ketë ndodhur më 1 maj 2026 në ora 08:05, në Rr. Shala e Bajgorës.
Sipas raportit 24-orësh të policisë, një mashkull kosovar ka paraqitur ankesën. Ai raporton se janë vjedhur pjesët e brendshme e bakrit të dy trafove, me vlerë të përgjithshme 60-80 mijë euro.
Rasti klasifikohet si vjedhje e rëndë dhe hetimi po vazhdon për zbardhjen e plotë të ngjarjes.