Faton Ahmeti, kryeshefi ekzekutiv i Ndërmarrjes Trepça, ka larguar përkohësisht nga puna tre punonjës, pas disa rasteve të vjedhjeve në ndërmarrje. Këto kanë shkaktuar dëme materiale, përfshirë kabllo elektrike, komponente dhe pjesë të trafove.
Punonjësit e larguar përkohësisht janë M.U., K.K. dhe S.M.. Nga shqyrtimi i rasteve rezulton se ngjarjet kanë ndodhur gjatë kohës kur ata kanë qenë në ndërrim, duke bartur përgjegjësi për mbikëqyrjen dhe sigurinë e aseteve.
“Në njoftimin zyrtar thuhet se këto veprime përbëjnë shkelje të rëndë të detyrave të punës dhe cenim të disiplinës në vendin e punës.”