Projekti Vlora Marina u prezantua në eventin MIPIM 2026, një mbledhje globale e industrisë së pasurive të paluajtshme në Cannes të Francës. Ky event mblidhet çdo vit zhvillues, investitorë dhe liderë sektorësh nga e gjithë bota.
Projekti është zhvillim strategjik në Rivierën Shqiptare dhe ofron vizion të ri për zhvillimin urban dhe turistik të Vlorës. Modeli urban miks përfshin marinën e parë të klasit botëror në Shqipëri, rezidencë moderne me apartamente premium buzë detit, hotelin e parë Marriott në bregdetin shqiptar, rezidenca të branduara, njësi shërbimi dhe retail në një destinacion të vetëm.
Vlora Marina ishte pjesë e pavijonit Soundscapes of Albania, të vizituar nga mbi 20 mijë pjesëmarrës, përfshirë investitorë, zhvillues ndërkombëtarë dhe përfaqësues kompanish të njohura të pasurive të paluajtshme. Projekti tërhoqi vëmendje të konsiderueshme dhe konfirmoi interes konkret prej tyre.
Sipas organizatorëve të pavijonit shqiptar, interesi ndaj projekteve shqiptare ishte i lartë dhe forcoi pozicionin e Shqipërisë si destinacion në rritje për investime strategjike dhe zhvillim turistik.
Gjatë eventit u zhvilluan takime dhe diskutime me partnerë potencialë dhe aktorë të tregut ndërkombëtar, ku u trajtuan koncepti i projektit, fazat e zhvillimit dhe mundësitë e investimit.
Pjesëmarrja në MIPIM 2026 prezantoi potencialin e Shqipërisë në skenën globale për investime në pasuri të paluajtshme dhe turizëm.