Presidentja e Komisionit Evropian, Ursula von der Leyen, deklaroi se Evropa duhet të eliminojë pengesat e brendshme ndaj konkurrueshmërisë së saj, nëse dëshiron të bëhet një gjigant global i vërtetë. Ajo foli para Parlamentit Evropian një ditë para samitit.
Von der Leyen ngriti shqetësimin për fragmentimin e tepruar të sektorit financiar evropian dhe kërkoi integrim më të madh ekonomik. “Bizneset tona kanë nevojë për kapital menjëherë. Ne duhet ta bëjmë këtë këtë vit”, tha ajo.
Ajo theksoi rëndësinë e përfundimit të tregut të vetëm evropian dhe heqjen e çdo pengese që kufizon aktivitetin ekonomik në Bashkimin Evropian. Gjithashtu, presidentja kërkoi përparim në marrëveshjet e tregtisë së lirë dhe thjeshtimin e rregulloreve për të çliruar potencialin e rritjes ekonomike.