Një 22-vjeçar shqiptar, Lorik Abazi, nipi i këngëtares Ganimete Abazi, u vra me thikë në jug të Londrës. Ngjarja ndodhi të dielën në Hesterman Way, ku ai u gjet i plagosur dhe vdiq në spital pavarësisht përpjekjeve mjekësore, sipas BBC-së.
Policia arrestoi tre persona si të dyshuar për vrasje: dy vajza 25-vjeçare dhe një djalë 28-vjeçar. Njëra nga vajzat u lirua me kusht, ndërsa hetimet vazhdojnë.
Kryeinspektori Nick Blackburn shprehu ngushëllimet për familjen, duke thënë se ata kanë pësuar një humbje të rëndë. Familja e Lorik Abazit e përshkroi atë si "një person të kujdesshëm, të zgjuar, me një sens të bukur humori dhe me një të ardhme të ndritur përpara, por që iu pre në mes".
Ganimete Abazi konfirmoi në rrjete sociale se i vdekuri është nipi i saj dhe shkroi: "Jeta po dihet shpeshherë të jetë e padrejtë dhe të godasë aty ku dhemb më së shumti. Pusho në paqe, nipi jem, shpirti jem, sepse ne do të jetojmë me dhimbjen për ty, me kujtimet dhe dashurinë që na dhe. Ahhh bre sa e vështirë me ta thënë lamtumirë, Loriku ynë."
Përditësime
Lorik Abazi, nipi i këngëtares Ganimete Abazi, konfirmohet se është nga Kosova.
Kryeinspektori Nick Blackburn deklaroi: “Mendimet e mia janë me familjen dhe të dashurit e Lorikut, të cilët kanë pësuar një humbje të paimagjinueshme.”