Një shtetas shqiptar u gjet i vrarë gjatë orëve të mbasdites së 28 prillit 2026 në vendin e quajtur Burnia, në zonën e Kalamatës të Greqisë.
Sipas dyshimeve të para, viktima u qëllua me armë gjahu nga një distancë e afërt. Ai punonte në një stallë lopësh dhe rrethanat e ngjarjes ende nuk janë sqaruar plotësisht.
Dy shtetas grekë, të cilët e mbanin viktimën në banesë, e gjetën trupin dhe u dërguan në polici për t’u pyetur në lidhje me rolin e tyre. Autoritetet po hetojnë për përfshirjen e tyre.
Në kërkim është shpallur pronari grek i fermës ku punonte shqiptari, i cili nuk është gjetur në banesë. Po kërkohet gjithashtu një person i tretë në lidhje me ngjarjen.