Wall Street Journal raporton se Donald Trump kundërshton sulme të tjera ndaj impianteve dhe objekteve energjetike të Iranit. Gazeta citon zyrtarë amerikanë të paidentifikuar, sipas të cilëve presidenti ishte njoftuar paraprakisht për sulmin e Izraelit ndaj fushës së gazit South Pars, më e madhja në botë.
Trump e ka parë këtë sulm si mesazh për Teheranin në përgjigje të bllokimit të Ngushticës së Hormuzit. Sipas komandantit të përgjithshëm dhe zyrtarëve, Irani e ka marrë mesazhin. Për këtë arsye, ai tani kundërshton sulme të mëtejshme ndaj infrastrukturës energjetike iraniane.
Zyrtarët thonë se Trump mund të jetë i hapur për veprime të tjera ndaj objekteve energjetike nëse Irani kërcënon ose pengon rrugën e naftës dhe tregtisë në Ngushticën e Hormuzit.
Sulmet kanë shkaktuar rritje të çmimeve të naftës, duke vënë në vështirësi administratën amerikane. Trump ka pezulluar për 60 ditë Jones Act-in, që kërkon transportin e naftës brenda SHBA-së me anije amerikane. Administrata ka lehtësuar sanksionet ndaj naftës së Venezuelës. Ndërkohë, zëvendëspresidenti JD Vance do të takojë të enjten kompanitë e mëdha të naftës për të diskutuar përballimin e rritjes së çmimeve.