Xherdan Shaqiri, kapiten i FC Basel 1893, u shpall sportisti më i mirë i Baselit për vitin 2025 në ceremoninë vjetore Basler Sport-Champions 2025, të mbajtur të hënën në St. Jakobshalle.
Klubi zviceran FC Basel 1893 mori gjithashtu çmimin si Ekipi i Vitit 2025, duke festuar një sukses të dyfishtë. Shaqiri, me origjinë nga Kosova, udhëhoqi ekipin drejt titullit të kampionit dhe Kupës së Zvicrës në edicionin 2024/2025.
Ceremonia organizohet çdo vit nga drejtoria për sport e Baselit, në bashkëpunim me Asociacionin e Sporteve të Baselit dhe Asociacionin e Gazetarëve Sportivë të Baselit. Shaqiri u vlerësua për rolin e tij si figurë qendrore dhe lider në fushë.
Në sezonin e kaluar, ai shënoi 21 gola dhe dha 22 asistime, duke qenë kyç për fitoren e titullit. Këtë edicion, Shaqiri ka luajtur në 20 ndeshje, me 6 gola dhe 9 asistime. Çmimin ia dorëzoi presidenti i Federatës Zvicerane të Futbollit, Peter Knabel, i njohur me të që nga koha e akademisë së Baselit.