Xhudistja kosovare Erza Muminoviq ka fituar medaljen e bronztë në turneun ndërkombëtar Sofia European Open 2026, i cili zhvillohet në Sofje të Bullgarisë.
Në ndeshjen vendimtare për bronz, Muminoviq mposhti me Yuko xhudisten Ulbusin Khakimova nga Uzbekistani.
Ajo nisi garën pa luftë në xhiron e parë. Në raundin e dytë, fitoi me Yuko ndaj francezes Anais Perrot. Në çerekfinale, ishte bindëse me Ippon kundër Fotimakhon Tursunboeva nga Uzbekistani. Rruga e saj u ndërpre në gjysmëfinale, ku humbi me Ippon ndaj Laziza Haydarova, po ashtu nga Uzbekistani.
• Në kategorinë deri në 52 kilogramë, Fationa Kasapi dhe Laurinë Gashi garojnë ende për bronz.
• Në kategorinë deri në 57 kilogramë, Flaka Loxha lufton për vendin e tretë.
• Tek meshkujt, në kategorinë deri në 100 kilogramë, Shpati Zekaj synon bronzën.