Analisti Ilir Yzeiri foli në emisionin "Sot Live" të Report TV-së për fjalimin e kryetarit të Partisë Demokratike, Sali Berishës, në Asamblenë Parlamentare në Strasburg.
Sipas Yzeirit, ky fjalim nuk meriton vëmendje, pasi Berisha "nuk përfaqëson asgjë". Ai e cilësoi ngjarjen si të turpshme dhe theksoi se Berishës iu fik mikrofoni gjatë fjalimit. Yzeiri shtoi se asnjë ndërkombëtar nuk dëshiron ta dëgjojë më atë, por kjo detyrë u ka mbetur shqiptarëve.
"Është gjëja më e turpshme që mund të ndodhë në një vend, shkon një njeri atje, e heq veten që është në krye dhe ka rrëmbyer me forcë PD-në dhe shgon e shan nga mëngjesi në darkë se ai është shpallur non grata nga SHBA dhe Britania e Madhe, nuk e dëgjon askush dhe duhet ta dëgjojmë vetëm ne. Ne ç’kusur kemi?", u shpreh Yzeiri.
Protesta e paralajmëruar
Sa i përket protestës së paralajmëruar më 11 shkurt, Yzeiri tha se nuk përbën ngjarje, pasi është mbledhje e një grushti prej rreth 200 personash të zemëruar për Berishën. "U bënë 13 vjet, nuk janë lajme, nuk janë ngjarje. Do të dalë prapë, do të shajë, do të gjuajë me gurë", deklaroi ai, duke shtuar se protesta ka kuptim vetëm kur prek popullin opozitar.
Opozita dhe Berisha
Yzeiri vlerësoi se opozita ka resurse, por është e fjetur dhe Berisha nuk arrin ta pozicionojë. Ai përmendi se Berisha e merr Albanën Vokshi si "babysitter" dhe mban fjalime në sallë bosh, si Don Kishoti.