Presidenti ukrainas Volodymyr Zelensky ka reaguar pas përfundimit të bisedimeve trepalëshe në Abu Dhabi, mes SHBA-së, Ukrainës dhe Rusias.
Në një postim në rrjetet sociale, Zelensky i cilësoi bisedimet konstruktive dhe tha se u diskutua shumë për t’i dhënë fund luftës në Ukrainë. “Fokusi qendror i diskutimeve ishin parametrat e mundshëm për përfundimin e luftës”, shkroi ai.
Lideri ukrainas vlerësoi mirëkuptimin për monitorimin dhe mbikëqyrjen amerikane të procesit të përfundimit të luftës, si dhe për ruajtjen e sigurisë së Ukrainës. Ai theksoi se, me kusht që të ketë gatishmëri për të ecur përpara, takime të mëtejshme mund të zhvillohen që javën e ardhshme.
“Ukraina po punon për paqen dhe sigurinë. Faleminderit të gjithëve që po ndihmojnë”, përfundoi Zelensky. Delegacioni ukrainas dorëzoi një raport pas takimeve, të cilat zgjuan dy ditë dhe përbëjnë formatin e parë të tillë pas një kohe të gjatë.
Ndryshe, shumë pak detaje janë bërë publike për këto bisedime.
Përditësime
Përfaqësuesit ushtarakë ukrainas identifikuan çështje për diskutim në takimin e ardhshëm me Russinë dhe SHBA-në.
Pala amerikane ngriti çështjen e formateve të mundshme për miratimin e parametrave të përfundimit të luftës dhe rrethanat e sigurisë së nevojshme.