Presidenti i Ukrainës, Volodymyr Zelensky, gjatë vizitës së tij të parë në Kaukazin e Jugut që nga fillimi i luftës ruse, deklaroi në prani të Presidentit të Azerbajxhanit, Ilham Aliyev, se është gati të takohet me Presidentin rus, Vladimir Putin, në Azerbajxhan.
Kjo deklaratë erdhi në një moment kur bisedimet diplomatike të udhëhequra nga SHBA kanë ngecur gjatë javëve të fundit. Zelensky tha se Ukraina e ka njoftuar Presidentin Aliyev se është e gatshme për bisedime trepalëshe në Azerbajxhan, me kusht që Rusia të jetë e përgatitur për diplomaci. Ai theksoi se Kievi ka zhvilluar më parë bisedime të tilla në Turqi dhe Zvicër.
"Është jetike për Ukrainën që Rusia të gjejë forcën për t’i dhënë fund kësaj lufte të padrejtë", deklaroi Zelensky.
Nga ana tjetër, Kremlini ka hedhur poshtë idenë e një takimi mes udhëheqësve kudo përveç Moskës. Kievi ka deklaruar se Zelensky është i gatshëm të takohet me Putin në çdo vend përveç Rusisë ose Bjellorusisë, e cila ka mbështetur luftën ruse.