Presidenti ukrainas Volodymyr Zelensky foli më 24 shkurt 2026 përmes një video-lidhjeje në seancën plenare të Parlamentit Evropian në Bruksel. Ai shprehu falënderime për mbështetjen e Evropës gjatë viteve të luftës së nisur nga Rusia.
“Nuk e zgjodhëm ne, nuk e nisëm ne, nuk e provokuam ne dhe po bëjmë gjithçka që mundemi për ta ndaluar atë”, deklaroi ai.
Kredia dhe pranimi në BE
Zelensky iu referua një kredisë prej 95 miliardë eurosh nga Bashkimi Evropian për Ukrainën, të cilën Budapesti po e bllokon. “Kjo është një garanci e vërtetë financiare e sigurisë dhe qëndrueshmërisë sonë dhe duhet të zbatohet”, tha ai.
Ai nënvizoi rëndësinë e caktimit të një date specifike për pranimin e Ukrainës në BE. “Është e rëndësishme për ne të kemi një datë specifike për pranimin tonë në BE. Nëse nuk ka datë, nëse nuk ka garanci, (Budapest) do të gjejë një mënyrë për ta bllokuar Ukrainën nga portat, duke ju ndarë juve, duke e ndarë Evropën”, theksoi Zelensky.
Sanksionet kundër Rusisë
Duke folur për paketën e 20-të të sanksioneve të BE-së kundër Rusisë, e cila nuk u miratua në takimin e djeshëm të Këshillit të Punëve të Jashtme, ai kërkoi vazhdimin e presionit ekonomik.
“Ne duhet të vazhdojmë zyrtarisht të zbatojmë gamën e plotë të mbrojtjes kundër Rusisë me sanksione të forta, nuk ka vend për naftën ruse, për tankerët rusë, për bankat ruse, për shmangien e sanksioneve ruse, duhet të ketë një ndalim të plotë, ato nuk mund të vijnë në Evropë”, shtoi presidenti ukrainas.