Presidenti i Ukrainës, Volodymyr Zelensky, deklaroi se dokumentet për një marrëveshje mes Ukrainës dhe Shteteve të Bashkuara mund të nënshkruhen javën e ardhshme, nëse palët arrijnë dakordësinë përfundimtare brenda kësaj periudhe. Kjo deklaratë u bë më 16 janar 2026.
Marrëveshja mund të miratohet në Davos të Zvicrës, gjatë Forumit Ekonomik Botëror nga 19 deri më 23 janar, ku pritet të mblidhen liderë ndërkombëtarë, përfshirë Donald Trump. Zelensky shprehu gatishmërinë e Kievit për të nënshkruar një marrëveshje që do t’i jepte fund përplasjeve luftarake.
Një delegacion ukrainas do të udhëtojë drejt SHBA-së për bisedime mbi garancitë e sigurisë dhe një paketë prosperiteti për Ukrainën. Gjatë këtyre bisedimeve, delegacioni synon të marrë qartësi mbi qëndrimin e Rusias ndaj negociatave.
Zelensky theksoi se Ukraina ka nevojë për garanci sigurie afatgjata, të cilat nuk varen nga mandati i një presidenti të vetëm amerikan. Ai akuzoi Russinë për pengimin e përpjekjeve për paqe dhe vuri në dukje se ultimatumat nuk janë mënyrë për të zhvilluar diplomacinë.