Presidenti i Ukrainës Volodymyr Zelensky njoftuan të dielën se vendi i tij ka rënë dakord me aleatët evropianë për paketa të reja mbështetjeje energjetike dhe ushtarake para përvjetorit të katërt të pushtimit rus më 24 shkurt.
Takimi u zhvillua të premten në Mynih me liderët e Formatit të Berlinit, ku morën pjesë rreth 12 udhëheqës evropianë. Zelensky shkroi në platformën X se "ne ramë dakord për paketa specifike ndihme energjetike dhe ushtarake për Ukrainën deri më 24 shkurt". Ai shprehu mirënjohje për gatishmërinë e partnerëve dhe shpresoi për mbërritjen e menjëhershme të dërgesave, duke përfshirë raketat e mbrojtjes ajrore.
Ukraina po përpiqet të mbledhë mbështetje nga partnerët ndërkombëtarë për të frenuar përparimet ruse në fushëbetejë dhe sulmet ajrore ndaj infrastrukturës energjetike, ndërkohë që ndeshet me presionin e SHBA-së për negociata paqeje.
Sulmet ruse ndaj qyteteve të mëdha, si Kievi, kanë dëmtuar rëndë sistemin energjetik, duke lënë miliona banorë pa energji elektrike në kushte të acarta. Javën e kaluar, Rusia lëshoi rreth 1.300 dronë sulmues, 1.200 bomba ajrore të drejtuara dhe dhjetëra raketa balistike kundër Ukrainës.