Volodimir Zelensky deklaroi se Vladimir Putin-it "nuk i ka mbetur shumë kohë", në kontekstin e mungesës së udhëheqësit rus nga sytë e publikut për mbi një javë.
Deklarata e presidentit të Ukrainës u bë të premten gjatë një interviste për Politico, në kuadër të Konferencës së Sigurisë në Mynih. Ai tha: "Unë jam më i ri se Putini... Ai nuk ka shumë kohë, e dini". Këto fjalë shkaktuan të qeshura nga publiku, por Zelensky shtoi: "Jo, jo, më besoni, kjo është e rëndësishme".
Udhëheqësi rus u pa për herë të fundit në publik më 5 shkurt, duke mbajtur një fjalim. Mungesa e tij ka nxitur spekulime për arsyet e saj, duke përfshirë mundësinë e një trajtimi mjekësor të fshehtë, siç raporton Daily Mail.
Nuk është hera e parë që Putin zhduket përkohësisht nga skena publike. Në të kaluarën, mungesat e tilla kanë çuar në spekulime të ngjashme, të cilat Kremlini i ka mohuar si të pabazuara.