Volodymyr Zelensky bëri të ditur se Ukraina u godit gjatë orëve të fundit nga deri në 400 dronë rusë dhe 40 raketa. Shifrat i dha në një mesazh në platformën X.
Dëmet më të mëdha u regjistruan në rajonet Volyn, Ivano-Frankivsk, Lviv dhe Rivne. Në Rivne, një ndërtesë banimi u dëmtua, ndërsa në Ladyzhyn të rajonit Vinnytsia, dronët goditën ndërtesën administrative të një instituti bujqësor. Presidenti raportoi gjithashtu sulme në rajonet e Kievit dhe Kharkiv, ku operacionet e mbrojtjes ajrore vazhdojnë në disa zona.
“Çdo ditë, Rusia mund të zgjedhë konkretisht diplomacinë, por zgjedh të kryejë sulme të reja”, shkroi Zelensky, duke bërë thirrje për një përgjigje nga ata që mbështesin negociatat trepalëshe.
Ai kërkoi furnizime shtesë me raketa për sistemet Patriot, NASAM dhe të tjera të mbrojtjes ajrore, duke theksuar se çdo dërgesë do të ndihmojë Ukrainën të përballojë dimrin.
Presidenti falënderoi partnerët ndërkombëtarë për mbështetjen e vazhdueshme, duke vlerësuar ndihmën që “po ndihmon vërtet” vendin në këto momente të vështira.