Abdullah Kavukcu, zëvendëspresidenti i Galatasaray, foli për ambiciet e klubit në një intervistë për të përditshmen italiane ‘La Gazzetta dello Sport’, pas fitores 5-2 ndaj Juventusit në ndeshjen e parë.
Ai theksoi se rezultati nuk ishte rastësi dhe se skuadra synon të ngrihet në nivelin e klubeve më të mira botërore. “Edhe pse në Juventus Stadium do të jetë e vështirë të mbrojmë rezultatin, e njohim reputacionin e klubit. Spalletti është një trajner i madh me kampionë në skuadër, por ne po ndërtojmë një ekip të nivelit të lartë”, deklaroi Kavukcu.
Sa i përket periudhës së transferimeve, klubi ka interes të vazhdueshëm për mesfushorin e Interit, Hakan Çalhanoğlu. “Bëmë një tentativë në janar, por drejtuesit e Interit thanë se nuk do të largohej atëherë. Ai është ikonë e kombëtares turke dhe tifoz i Galatasaray. Jam i sigurt se një ditë do ta shohim të luajë me ne”, u shpreh zëvendëspresidenti.
Kavukcu foli edhe për sulmuesin aktual Victor Osimhen, të cilin klubi e bleu për 75 milionë euro. “Shumë e konsideruan një investim të çmendur, por ai i përgënjeshtroi të gjithë. Vlera e tij tani është dyfishuar në 150 milionë euro. Duam të arrijmë objektiva të mëdha së bashku”, paralajmëroi ai klubet pretendente, përfshirë Juventusin.