Zinedine Zidane është një hap larg marrjes së drejtimit të përfaqësueses franceze. Sipas burimeve, pritet vetëm zyrtarizimi i emërimit të tij pas Botërorit të verës së ardhshme, pavarësisht rezultateve të ekipit në këtë kompeticion.
Didier Deschamps, trajneri aktual, do të lërë kombëtaren pas 14 vitesh drejtimi. Gjatë këtij periudhe, ai e udhëhoqi Francën drejt titullit botëror të 2018-ës, fitores në Nations League të 2021-ës, si dhe finales së Euro 2016 dhe asaj të Botërorit 2022.
Deschamps fitoi Botërorin e Rusisë 2018 pa Karim Benzema, që në atë kohë ishte një nga qendërsulmuesit kryesorë në futbollin ndërkombëtar.
Zidane do ta marrë stafetën nga ish-shoku i tij i skuadrës, me të cilin ka fituar një titull botëror dhe një evropian si futbollist. Ai ka treguar rezultate si trajner te Real Madrid, ku fitoi tre tituj radhazi në Ligën e Kampioneve.
Florentino Pérez e riktheu Zidane dy herë në pankinën e Real Madridit, ashtu si me Carlo Ancelotti. Kjo reflekton aftësinë e tij për të menaxhuar skuadra me lojtarë të nivelit të lartë.
Zidane po përgatit stafin teknik për misionin e ri.