Zinedine Zidane refuzoi mundësinë për rikthim në stolin e Real Madrid në dhjetor, kur drejtuesit e klubit spanjoll e kontaktuan drejt për drejt për të zëvendësuar Xabi Alonso. Kjo bëhet e ditur nga mediumi spanjoll Diario AS.
Trajneri francez nuk drejton asnjë klub që pas largimit të tij nga Real Madrid në 2021. Ai u njoh me drejtuesit madrilenë se kishte mbyllur marrëveshje me Federatën Franceze të Futbollit, duke pritur të marrë drejtimin e kombëtares pas Kupës së Botës 2026, ku do të zëvendësojë Didier Deschamps.
Real Madrid po përballet me një periudhë të vështirë sportive dhe është afër përfundimit të sezonit të dytë pa trofe. Vendimi për largimin e Xabi Alonso u tërhoq fillimisht, duke e lënë atë në skuadër deri në fund të Superkupës së Spanjës. Aktualisht, skuadrën e drejton Alvaro Arbeloa, i cili pritet të ndjekë të njëjtën rrugë. Presidenti Florentino Pérez ka kontaktuar disa trajnerë të tjerë.
Zidane, me histori suksesi te Real Madrid – duke fituar 11 tituj, përfshirë tre Champions League – ka mbështetur klubin nga tribunat, por prioritet ka pasur fjalën e dhënë për Francën.