Një 12-vjeçar në Tiranë u transportua me urgjencë në spital pas një aksidenti në oborrin e banesës. Ngjarja ndodhi pasditen e 17 janarit 2026, teksa i mituri po tentonte të mbyllte portën e jashtme të oborrit.
Sipas informacionit paraprak, porta e hekurit doli nga shinat dhe ra mbi trupin e të miturit, duke i shkaktuar dëmtime. Familjarët e transportuan menjëherë në spital, ku ai ndodhet aktualisht nën kujdesin e mjekëve.
Policia njofton se: “Më datë 17.01.2026, është dërguar për mjekim nga familjarët shtetasi i mitur 12 vjeç, pasi në oborrin e banesës, në tentativë për të mbyllur portën e jashtme të oborrit, porta ka dalë nga shina dhe i ka rënë mbi vete. Aktualisht, i mituri ndodhet nën kujdesin e mjekëve. Punohet për sqarimin e rrethanave të rastit.”
Përditësime
Policia e Tiranës i ka referuar materialet procedurale Prokurorisë së Tiranës për veprime të mëtejshme.