Sot, më 21 Janar 2026, bëhen 15 vite nga protesta e Partisë Socialiste në bulevardin "Dëshmorët e Kombit", para Kryeministrisë, ku u vranë katër protestues nga Garda e Republikës.
Viktimat janë Aleks Nika, Ziver Veizi, Faik Myrtaj dhe Hekuran Deda. Katër protestuesit u shpallën Dëshmorë të Atdheut.
Të mërkurën mbahet ceremonia përkujtimore për ta. Familjarët presin ende drejtësi.
Në korrik të 2024-s, Prokuroria e Posaçme kundër Korrupsionit dhe Krimit të Organizuar (SPAK) nisi hetimet për ngjarjen. Kjo ndodhi pas vendimit të Gjykatës së Strasburgut, e cila urdhëroi strukturën e posaçme të hetonte kallëzimin e Rajmonda Nikës, bashkëshortes së Aleks Nikës, ndaj Sali Berishës (ish-kryeministër), Lulzim Bashës (ish-ministër i Brendshëm) dhe Ndrea Prendit (ish-kreu i Gardës së Republikës).
Gjykata e Strasburgut e ka cilësuar vrasjen e katër protestuesve si "krim shtetëror që duhej zbardhur".
Përditësime
SPAK ka marrë në pyetje disa drejtues të asaj kohe, sipas gazetarit Ervin Leka.
- Hetimet zvarriten, me vonesë në pyetjen e ish-kryeministrit Sali Berishës.