Policia e Shtetit bëri të ditur se gjatë tubimit të organizuar nga Partia Demokratike më 17 prill 2026 para godinës së Kryeministrisë në Tiranë, disa pjesëmarrës hodhën lëndë djegëse (molotovë) dhe lëndë piroteknike drejt godinës dhe punonjësve të policisë.
Si pasojë, 5 punonjës policie u dëmtuan, morën mjekim në spital dhe ndodhen jashtë rrezikut për jetën. Në momentin e ndërhyrjes, shërbimet policore sekuestruan 45 molotovë, të cilat dyshohet se ishin përgatitur për sulme të mëtejshme ndaj policisë dhe institucioneve shtetërore.
Specialistët e Sektorit për Hetimin e Krimeve të Rënda në Drejtorinë Vendore të Policisë Tiranë arrestuan në flagrancë 11 shtetas për veprat penale “Goditje për shkak të detyrës”, “Prishja e qetësisë publike”, “Prodhimi dhe mbajtja pa leje e armëve dhe municioneve luftarake”, “Shkatërrimi i pronës me zjarr” dhe “Kundërshtimi i punonjësit të rendit publik”.
Të arrestuarit janë:
- Klemend Çuçka (38 vjeç)
- Bujar Tusha (29 vjeç)
- Henri Shapllo (30 vjeç)
- Mirvet Toçilla (50 vjeç)
- Igball Domi (18 vjeç)
- Semi Bici (25 vjeç)
- Bardhyl Ndou (42 vjeç)
- Gentjan Tuga (48 vjeç)
- Edison Shyti (37 vjeç)
- Sokol Bajraktari (55 vjeç)
- Ernest Kapo (32 vjeç)
Gjithashtu, nisi procedimi penal për 15 shtetas të tjerë, mes të cilëve deputeti Klevis Balliu për “Organizimin dhe pjesëmarrjen në grumbullime dhe manifestime të paligjshme” dhe Aulon Kalaja për “Goditje për shkak të detyrës”. Mes proceduarve përmenden edhe dy të mitur (16 dhe 17 vjeç) për “Prishjen e qetësisë publike”. Materialet u referuan në Prokurori.
Hetimet vazhdojnë për identifikimin e personave të tjerë të përfshirë.
Përditësime
Skënder Hita u emërua drejtor i ri i Policisë së Shtetit, duke prezantuar strategji të reja ndërhyrjeje.
Në protestën udhëhequr nga Sali Berisha:
- Policia përdori ujë, gaz lotsjellës dhe sprej për shpërndarjen e protestuesve.
- 6 nga 11 të arrestuarit u kapën duke hedhur piroteknikë ose duke mbartur çanta me molotovë.
- 13 protestues të tjerë nën hetim, duke përfshirë dy të mitur 16-17 vjeç (korrigjim nga 15 të raportuar më parë).
Konteksti: Në 6 protesta të mëparshme, militantët u liruan nga gjykata.
Gjykata e Tiranës vendosi masën e arrestit në burg për pesë të arrestuarit: Klemend Çuçka, Bujar Tusha, Henri Shapllo, Mirvet Toçilla dhe Semi Bici.
Gjyqtari Enkel Peza do të vendosë për kërkesën e prokurorisë lidhur me masat e sigurisë ndaj të tjerëve.
Protestuesit u kapën në flagrancë duke mbartur bomba Molotov në duar ose në çanta, të përgatitura nga "grupi i zjarrit".