Sipas njoftimit të Policisë së Tiranës, janë identifikuar dhe shoqëruar 46 shtetas pas tubimit të Partisë Demokratike, të zhvilluar mbrëmjen e 20 shkurtit 2026 në Tiranë. 18 prej tyre u arrestuan në flagrancë për kundërshtimin e punonjësve të policisë dhe hedhjen e lëndëve piroteknike, molotovësh dhe sendeve të forta drejt efektivëve dhe institucioneve shtetërore.
Mes të arrestuarve janë:
- Alvaro Karrata, 19 vjeç
- Dionis Gremi, 32 vjeç
- Abdulla Isha, 42 vjeç
- Vilson Isha, 22 vjeç
- Egli Xhaferi, 18 vjeç
- Krenar Nela, 23 vjeç
- Riza Isenlikaj, 20 vjeç
- Edvin Cato, 46 vjeç
- Robert Patuçi, 26 vjeç
- Marsel Kuçi, 31 vjeç
- Agim Deda, 31 vjeç
- Kujtim Kothi, 45 vjeç
- Fatmir Dodaj, 23 vjeç
- Bledar Bivja, 23 vjeç
- Ardian Deda, 53 vjeç
- Dhe 3 shtetas të mitur.
28 shtetas të tjerë u proceduan penalisht në gjendje të lirë. Mes tyre është deputeti i Partisë Demokratike Klevis Balliu, i akuzuar për veprën penale “Organizimi dhe pjesëmarrja në grumbullime dhe manifestime të paligjshme”.
Gjatë veprimeve policore u sekuestruan 25 molotovë të pashpërthyer, 27 celularë dhe sende të tjera të kundërligjshme. Materialet iu referuan Prokurorisë së Tiranës, ndërsa grupi hetimor vazhdon punën për identifikimin e shtetasve të tjerë të përfshirë.
Përditësime
- Abc News raporton se tre të miturit e arrestuar janë 15, 16 dhe 17 vjeç.
- Policia e Shtetit publikoi pamje nga sekuestrimet e molotovëve dhe sendeve të tjera (Telegrafi).
Avokati i Popullit monitoroi veprimet e policisë në komisariatet e Tiranës dhe mori dëshmitë e të ndaluarve.
- Protesa zgjati rreth katër orë dhe shkaktoi pengesa në rrugët kryesore të Tiranës.