Policia e Tiranës procedoi penalisht 7 shtetas menjëherë pas përfundimit të tubimit të organizuar nga Partia Demokratike mbrëmjen e 8 majit 2026 në Bulevardin “Dëshmorët e Kombit”.
Gjatë tubimit disa persona hodhën lëndë djegëse molotov, lëndë piroteknike, kundërshtuan dhe goditën punonjësit e policisë me sende të forta. Si pasojë u lënduan 3 punonjës policie.
Nga 7 shtetasit e proceduar, 6 akuzohen për veprat penale “Kundërshtimi i punonjësit të rendit publik”, “Goditja për shkak të detyrës” dhe “Prishja e rendit dhe qetësisë publike”. Deputeti Klevis Balliu procedohet për veprën penale “Organizimi dhe pjesëmarrja në grumbullime dhe manifestime të paligjshme”.
Gjatë veprimeve policia sekuestroi një molotov, lëndë piroteknike dhe sende të forta.
Përditësime
Klevis Balliu, në emër të PD-së, njoftonte Policinë e Shtetit për protestën.
Opozita u përpoq të marshojë drejt Ministrisë së Brendshme, por policia vendosi kordon dhe i zmbrapsi në selinë e PD-së.
Momentet u regjistruan nga Report TV.
Militantët e opozitës u fshehën pas makinës së Syri TV.
Hodhja e molotovëve ishte pa shënjestra, duke rrezikuar si protestuesit ashtu edhe policinë.