Policia e Kosovës në Rajonin e Ferizajt ka publikuar raportin javor për periudhën 16-22 mars 2026, duke bërë të ditur se janë regjistruar dhjetëra raste të ndryshme penale.
Gjatë kësaj periudhe u evidentuan 17 raste vjedhjesh, të shpërndara si vijon:
- 12 në Ferizaj;
- 2 në Shtime;
- 2 në Hani i Elezit;
- 1 në Shtërpcë.
Sa i përket dhunës në familje, u raportuan 3 raste: nga një në Ferizaj, Shtime dhe Kaçanik.
Policia bëri të ditur se u arrestuan 22 persona të kërkuar me urdhëresa nga gjykatat kompetente për vepra penale dhe kundërvajtëse.
Në fund, Policia Rajonale e Ferizajt ftoi qytetarët për bashkëpunim në parandalimin dhe luftimin e krimit. Rastet mund të raportohen në stacionet policore, përmes aplikacionit “Lajmëro Policinë” ose në numrat emergjentë 192, 0290/326-250 dhe 0290/322-406.