Në Ferizaj, më 17 mars 2026 rreth orës 18:00, në rrugën Rexhep Bislimi, ka ndodhur një përleshje fizike mes disa personave pas një mosmarrëveshjeje.
Policia e Kosovës ka ndërhyrë dhe ka intervistuar pesë persona meshkuj kosovarë në cilësinë e të dyshuarve, si dhe një person mashkull kosovar në cilësinë e viktimës.
Gjatë kontrollit, nga njëri prej të dyshuarve është gjetur dhe sekuestruar një pistoletë me katër fishekë, me të cilën dyshohet se kishte kanosur viktimën, dhe një armë tjetër, pistoletë lodër.
Me vendim të prokurorit, njëri nga të dyshuarit është dërguar në mbajtje, ndërsa katër të tjerët janë liruar në procedurë të rregullt.
Rasti vazhdon të hetohet nga njësitë përkatëse të policisë.