Një 18-vjeçar nga Kosova ka humbur jetën në një aksident trafiku në Austri më 30 mars 2026. Ngjarja ndodhi rreth mesditës në Zëettl an der Rodl, në rajonin Urfahr-Umgebung, në rrugën B126.
Sipas mediave austriake që cituan policinë lokale, aksidenti u shkaktua nga përplasja midis një kamioni dhe një veture në një kthesë të djathtë. Drejtuesi 18-vjeçar i veturës mbeti i vdekur në vend, pavarësisht përpjekjeve të ekipit mjekësor për ta rikthyer në jetë.
Pasagjeri i veturës ka pësuar lëndime të rënda. Të dy të rinjtë mbetën të bllokuar në automjet dhe u desh ndërhyrja e zjarrfikësve për t'i nxjerrë.
Mediat austriake raportojnë se të dy ishin nga Linz. Autoritetet austriake po vazhdojnë hetimet për zbardhjen e plotë të rrethanave të aksidentit.
Përditësime
Y. Z., 18-vjeçari i vrarë në aksidentin në Austri, lindi në Linz me origjinë nga fshati Kuk në Opojë, Kosovë. Pasagjeri i mbijetuar është shtetas rumun, sipas autoriteteve austriake.