Një studente 18-vjeçare u plagos me armë zjarri në një hotel në zonën e Saukut në Tiranë, në mesnatë.
Vajza u paraqit në spital me plagë në kraharor. Një punonjëse e hotelit e dërgoi atë në spital me taksi. Identiteti i saj ende nuk është zbuluar.
Autori nuk është identifikuar dhe u largua menjëherë nga vendngjarja. Rrethanat e ngjarjes po hetohen nga policia.
Forca të shumta policie kanë mbërritur në zonë dhe po punojnë për zbardhjen e plotë të ngjarjes, identifikimin dhe kapjen e autorit. Gazetarja Klodiana Lala raporton detajet e reja nga vendngjarja.