Renols Lleshi, 19-vjeçar shqiptar, humbi jetën në një aksident në kantierin e ndërtimit në Acton, Londër. Ngjarja ndodhi teksa ai ndihmonte në çmontimin e skelave në kopshtin e çatisë në katin e 12-të të një pallati në zonën Ark Soane Academy në Mill Hill Road.
Të riu, teksa shkeli mbi një bosht ventilimi, mbulesa e të cilit u shemb. Ai ra gjashtë kate poshtë, çka i shkaktoi vdekjen. HSE konstatoi se hapësira ishte mbuluar vetëm me një fletë kartoni gipsi dhe shkumë çatie, masa të pamjaftueshme sigurie.
Inspektimet rutinë të objektit nuk përfshinin zonën e kopshtit të çatisë. Kështu, rreziku nuk u identifikua dhe asnjë paralajmërim nuk u dha ekipit të skelave.
Familja e të ndjerit deklaroi se fakti që vdekja ishte plotësisht e shmangshme e bën humbjen edhe më të rëndë. Babai i tij u shpreh se janë mirënjohës për hetimin dhe ndjekjen penale të përgjegjësve, por asgjë nuk e rikthen djalin apo lehtëson dhimbjen.
Kompania Jerram Falkus Construction Limited, punëdhënësja e viktimës, pranoi shkeljen e rregullave për punën në lartësi. Gjykata e Magjistraturës së City of London e gjobiti me 42,200 paund, si dhe me 2,000 paund shtesë dhe 5,000 paund shpenzime gjyqësore.
Përditësime
Natalie Prince, inspektorja e HSE, deklaroi: “Rëniet nga lartësia janë ndër shkaqet kryesore të vdekjeve në vendin e punës. Ky ishte një incident plotësisht i shmangshëm që i mori jetën një të riu” (sipas The Sun).
Zhvillime të tjera:
- Ngjarja ndodhi në Korrik 2023.
- Jerram Falkus Construction Limited ndërpreu aktivitetin muajin e kaluar dhe hyrë në proces administrimi.
Gjykata e Magjistraturës së Qytetit të Londrës mbajti seancë gjyqësore më 18 mars. Kompania Jerram Falkus Construction Limited ka 140 vjet aktivitet.