Brooke Day, 22-vjeçare nga Queensland i Australisë, humbi jetën të premten, më 30 janar, në Tsugaike Mountain Resort, qytetin Otari të Japonisë. Ajo po bënte snowboard me miqtë kur ndodhi aksidenti teksa zbriste nga ashensori i skive.
Rripi i çantës së shpinës u ngec në mekanizmin e ashensorit. Stafi aktivizoi butonin e emergjencës, por çanta mbeti e lidhur fort me trupin e saj. Gjatë minutave kritike, ajo u zvarrit disa metra në dëborë. Kur ekipet e shpëtimit e nxorën, kishte pësuar arrest kardiak. U transportua me ambulancë në spital, por mjekët nuk e shpëtuan. Vdekja u konfirmuar nga autoritetet japoneze.
Departamenti Australian i Punëve të Jashtme dhe Tregtisë konfirmoi ngjarjen dhe njoftoi se familja po mbështetet nga ambasada australiane në Japoni. “I shprehim ngushëllimet tona më të thella familjes”, thuhet në deklaratë.
Tsugaike Mountain Resort dhe operatori i ashensorit kërkuan ndjesë publike. Ata nisën hetim të brendshëm për shkaqet dhe rishikim të protokolleve të sigurisë. Ashensori, me kapacitet deri në 1.000 persona në orë, u mbyll përkohësisht.
Ngjarja ka nxitur debate mbi sigurinë në sportet dimërore, sidomos rreziqet nga çantat e shpinës gjatë përdorimit të ashensorëve të skive. Ekspertët theksojnë se këto aksesorë mund të krijojnë rrezik nëse nuk zbatohen rregullat e sigurisë.